Running herrikoia.
Eta triatloia, mendia, igeriketa, ...

Donostiarrak Kirol Klubak (CDK) eta Euskal Herriko Unibertsitateak (UPV/EHU) "20. Udaberriko Lasterketa" antolatzen dute. Edizio berria 2024ko Martxoak 17, igandean, goizeko 10:00etan ospatuko da.

 

IZEN EMATEAK

Internet bidez soilik egin ahal izango da. Epea urtarrilak 1ean irekiko da eta  martxoak 14 arte edota dortsalak agortu arte izango da posible. Web bidez inskripzioa ontzat eman ahal izateko ordainketa erabat burutu beharko da. Izen ematearen prezioak: 15 € otsailaren 1era arte; 18 € martxoaren 10era arte eta 20 € martxoaren 14ra arte.

Parte hartu ahal izateko gutxienez 16 urte beharko dira. Nolanahi ere, 18 urte bete ez dituztenak, aita, ama edo eta tutorearen baimena dutela adierazi beharko dute.

 

UNIBERTSITARIOEN IZENEMATEA

Internet bidez egingo da soilik www.rockthesport.com webgunean, "universitarios" aukera markatuz.  Aukera hau erabiltzeko UPV/EHUko Ikaslea, Administrazio eta Zerbitzuetako Langilea (AZP) edo Irakasle edota Ikerlaria (PDI) izan behar da. Unibertsitarioen izen ematearen prezioak: 6 € otsailaren 13ra arte; 14 € otsailaren 14tik martxoaren 10era arte. 200 inskripzio gehienez ere. Kontutan hartu inskripzio hauek unibertsitateko kirol zerbitzuak baieztatuko dituela, eta ez dela dortsalik emango bertako ikasle, langile edota irakasle edo ikerlari izan ezean.

 

ROBERS PROMOZIOA: izen ematea dohainik, running material erosterakoan. Robers kiroldendetan (Donostian edo Azpeitian) internet bidezko izenematearen ziurtagiria eskatuko dizuete promozio honetaz baliatu ahal izateko.

 

 

 

ROCKTHESPORT orrialdetik egin ahal izango dira izen emateak

 

DORTSALEN JASOTZEA.

Kronometrajea txipen bidez egingo da. Txipa erantsita duten dortsalak hemen jaso ahal izango dira:

- Donostiako Robers kirol dendan: Martxoak 13, 14 eta 15, 10:00etatik 13:00etara eta 16:00etatik 20:00etara eta Larunbata 16 ean, 10:00 eta 13:00 artean.

- UPV/EHU-ko Kirol zerbitzuan:  Larunbata 16 ean, 16:00 eta 20:00 artean, edo eta igandea 17an, 8:00 eta 9:00 artean.

- Ezinbestekoa izango da NANa edo izen emate ziurtagiria aurkeztea

 

ITZULKETAK.

Dakizuenez, Lasterketa CDK Donostiarrak taldeak antolatzen du, UPV-EHUren laguntzaz. Eta korrikalariak garenez, ondo dakigu azken orduko lesioak ere, zoritxarrez, gertatu daitezkela, honek dakartzan hainbat eraginekin: entrenemendu osoa burutu ondoren ezin parte hartu izana, dortsalaren dirua galtzea, eta dortsal hori dortsalik gabe geratu den beste korrikalari batek ezin erabili izana. Hori dela eta, ondorengo bi epe hauetan bertan behera utzi ahal izango da izen ematea:

     * OTSAILAREN 1a ARTE (barne): Izen ematearen kostea baino bi euro gutxiago, gastuen kontzeptupean (13 € dortsal estandarra bada eta 5,5 € unibertsitarioen dortsalen kasuan).

     * OTSAILAREN 2tik MARTXOAREN 5era ARTE (barne): Izen ematearen kostearen %50a (9 € dortsal estandarra bada eta 4,5 € dortsal unibertsitarioen dortsalen kasuan).

Emailez jaso den rockthesport-eko izen ematearen ziurtagiria carrera@donostiarrak.com posta elektronikora bidali behar da, izen ematea bertan behera utzi nahi dela adieraziz. Era honetara korrikalariaren kontu korrontera bueltatuko da dirua. Eta dortsal hau erabilgarri geratuko da beste korrikalari batentzat

Lasterketaren bezperan ez da itzulketarik onartuko.

 

Behin-behineko datuak:

Udaberriko lasterketaren eragile garrantzitsuetakoak dira enpresa eta erakundeak, heuren dirulaguntza eta babesari esker aurrera jotzen bait dugu

Mila esker guztiei.

 

BABESLEA NAGUSIAK

logo_ndg.3p.jpg

 

ANTOLATZAILEAK ETA ERAKUNDEAK

 

BABESLEAK

Landoo Sistemas de Información
   

 

KOLABORATZAILEAK

 

 

  

 
   DYA